تقاييمي

Hyrule warriors age of calamity  لعبة بنظام الوريورز لكن بقصة وعالم زيلدا بريث اوف ذا وايلد  القصة:تتكلم عن احداث صارت قبل ١٠٠ سنه من احداث بريث او ذا وايلد شفنا وسمعنا لمحات عن الي صار في بريث اوف ذا وايلد لكن هنا توسعو اكثر  الايجابيات: ١-القصه اكثر من رائعه مليئه بمقاطع سينمائية ابهرتني واحزنتني وحمستني  ٢-نظام القتال المأخوذ من العاب الوريورز متقن جدا في هذي اللعبه بسبب اضافة عناصر من بريث اوف ذا وايلد مثل القنابل والتجميد وتوقيف الوحوش وغيرها نتج عنه قتال مليء بالاكشن والحماس  ٣-تعدد و تنوع الشخصيات الي تلعب فيها كل شخصيه لها كومبو مختلف وبعض الشخصيات لها اكثر من ستايل في القتال ومع كل ستايل تختلف الكمبوات  ٤- الاوستات معظمها ريمكس من اوستات بريث او ذا وايلد وكانت جدا جدا رائعه زي ماتعودنا من السلسلة  السلبيات: ١-الفريمات كانت تتنقل من ٣٠ الى ٢٣ في الاماكن المزحومه لكن بالنسبه لي ماأثرت على التجربه العامه للعبه  تقييمي: ٩/١٠

مسلسل رعب وغموض مكون من ٩ حلقات يعتبر جزء ثاني من سلسل هنتنينق مرتبط بنفس الممثلين بس مو نفس القصه  ذي المره يتكلم عن قصر بلاي وقصة اشباح رهيبه  التمثيل ممتاز جدا من الكل والاطفال فاجأوني بتمثيلهم الرهيب  القصه والاحداث  تشد وخلتنا نندمج ونتابع بدون توقف  الاوست ماتغير واجد عن الاول بس يظل رهيب  الحلقات  ١.٢.٣ اعطيها ٩/١٠  الرابعه اعطيها ٤/١٠ الخامسه والسادسه اعطيها ١٠/١٠ السابعه اعطيها ٧/١٠ الثامنه والتاسعه اعطيها ٩/١٠  المسلسل رهيب ولازم ينشاف

انهيت احد اعظم وافضل الاعمال الي شاهدتها  القصه تتكلم عن احد اولاد زيوس اللقطاء مثله مثل هرقل المعروف  صراحه ماابغى احرق اكثر من كذا  الاحداث ممتعه وماتخليك تشيل وجهك من الشاشه  الرسومات بما انه انميشن صراحه كانت تحفه فنيه وقريب مره من كاسل فينيا  الوستات الانمي كانت حوراته قليل وركز على الموسيقى وكانت عظيمه الحلقه الاخيره مثلا كان معظمها موسيقى وفعليا ماكنت احتاج غيرها عشان ادخل في الجو  الزبده شي اسطوري ورهيب وشي يذكرني ليش مشترك في نتفلكس 10/10

لعبة جي ار بي جي نظام (طقني واطقك) مطور  القيمبلاي ينقسم لعدة اقسام في المدرسه او الكنيسه وفي الحروب  تبدا اللعبه تختار لك منزل من واحد من المنازل انا اخترت البلو لايون   نظام اللعب طقني واطقك لكن ابدا مو بسيط بالعكس كل ماتمشي يصير اعمق وامتع وصار شي ماقد لعبت زيه او في مستواه  نقطه زودت المتعه عندي اخترت الندام الكلاسيك في اللعبه وهو اذا ماتت شخصيه عندك خلاص تودع معد تلعب فيها وللأسف فقدت ثنين واحد في البدايه وواحد في اخر قتال الي في اخر قتال فعليا حزنت عليه  القصه: ممتازه اقل مايقال عنها مع العلم للحين مااعتبر خلصتها ولا عرفت قصص بقية البيوت وناوي عليها بأذن الله  اللعبه استراتيجيتها عظيمه لدريجة اني ممكن اقعد في القتال ٣٠ دقيقه بس عشان اطلع القتال بأحسن طريقه ومااخسر ناس  اخر قتال عدته حول ٤ مرات ووقفت ونمت حرفيا قعدت احلم في استراتيجيات كيف افوز وقمت وخلصتها  الزبده: الي عنده السويتش ومالعبها غلطان  الي ماعنده سويتش ويحب الار بي جي يجيب سويتش اش ينتظر  وفي الاخير السويتش جهاز عظيم.

سيت كوم اكثر من رائع صراحه مااقدر اوفيه حقه بعد ١١ موسم لكن بحاول اتكلم عنه على خفيف  التمثيل جدا جدا ممتاز وخاصه من الصغار الي لقطاتهم ماودك تخلص والكبار ابدعو برضو  الاحداث ممتعه طبيعي في ١١ موسم تهدى الاحداث في النص لكن استمتعت فيه كله الموسم الاخير كان عباره عن حفلة وداع كبيره وصاره يحزن تشوف ناس عشت معهم فتره طويله يتوادعون من بعض شي صعب  بالنسبه لي قد يكون الثاني بعد فريندز